قطع من الكيك الظريف

مدلان

المقادير:

3 بيضات

نصف كوب سكر

بشر ليمونة كاملة

1 كوب دقيق

1 م ص بيكنج باودر

إصبع زبدة مذوب و بحرارة الغرفة

1 م ك عسل

الطريقة:

في البداية، نحمي الفرن و ندهن القوالب بالزبدة اللينة

لا تتدهنونها بنفس الزبدة اللي ذوبتوها! إذا دهنتوها بزبدة مذابة

 دخلوا الصواني للفريزر لين تبرد الزبدة و تتماسك بعدين طلعوهم

و بعد كذا بإستخدام مشخال صغير، انخلوا كمية كبيرة من الدقيق فوق القوالب

 لين تتغطى بالكامل

بعدين إقلبوا الصواني عشان تتخلصون من كمية الطحين الزايدة

لازم تتأكدون إنكم دهنتوا الصواني و رشيتوهم بالدقيق لأن هذا النوع

من الكيك قابل إنه يلصق بالصينية

و عشان تحافظون على سطح العمل نظيف، افرشوا ورق زبدة

 على الطاولة و بكذا ترجعون تستخدمون كمية الدقيق

 الزايدةنترك الصواني على جنب، و نبدا نسوي خليط الكيك

نخلط البيض و السكر بالخلاط الكهربائي لمدة 3 دقايق

 عشان نحصل على خليط نافش و خفيف

 ننخل الدقيق و البيكنج باودر و نضيفهم لخليط البيض مع بشر الليمون

و انتبهوا، في هذي الخطوة ما نخلط بالخلاط

نخلط بملعقة خشب و طريقة الخلط من تحت لفوق عشان ما يهبط خليط البيض

إذا اختفت كمية الدقيق، نضيف الزبدة المذوبة مع ملعقة العسل

الحين نصب مقدار ملعقة كبيرة من الخليط في كل قالب، يعني لازم نعبي 3 أرباع القالب

 لأنها بتنفش وتعبي القالب، ما نبي نزيد كمية الخليط عشان ما تفيض

نطرق الصينية علىالطاولة مرة أو مرتين، بس عشان نطلع فقاقيع الهوا داخل الخليط

ندخل الصواني الفرن في الرف الأوسط و لمدة 10 دقايق بالضبط

و إذا جيتوا تصبون دفعة ثانية، اغسلوا الصواني أول

اقلبوها على شبك تبريد، و بعد ما تبرد تماماً قدموها مع الشاي

الكيكة تجي شوي ناشفة فحلو لو تغمسونها في الشاي لها طعم حلو


صحة وعافية